Agar aapko meri trha paise se pyaar hai or aapki koi website hai jiske domain ko renew karne ka time aane wala hai to ye post aapke liye hai..
Domain Register karte time saste me mil jata hai, par renew karte time pasine nikal jate hai.. or agar aese me bhut sare domain hai or unki privacy on hai to Price bhut jada hone wala hai.. Example ke liye aap niche di hui image dekhe, jo Godaddy ki hai..
ye aap dekh sakte hai, ek Domain ko Renew karne ke ₹1545 lag rahe hai.. or yahi Domain agar me Google par Transfer karta hu to only ₹860 lagege.
To chaliye Jante hai kaise Godaddy Domain ko Google Domain par Transfer kar sakte hai.
Domain Transfer From Godaddy to Google Domain
Domain Transfer karne ke liye sabse Sabse pehle to aapko Godaddy Account or Google Domain site par login kar lijiye.. dono ki link niche hai.
- Godaddy
- domains.google.com
Domain ko Transfer karne ke liye Steps ko Follow kare..
Step 1: Godaddy Domain me jaye, or jis bhi domain ko Transfer karna hai, uske upar click karke Setting open kare.
Step 2: Domain Privacy agar On hai to usko Remove kare..
*Dhiyan rakhe agar aapne ek war Privacy remove kardi to usko wapas on karne ke liye charge lagega.. par agar aap Domain Transfer kar hi rahe hai to uski koi tension lene ki jarurat nahi.
Step 3: Ussi Page me Niche dekhe, Domain Lock pehle se On hota hai usko Off kare.
Domain Lock Off karne ke baad Samne di hui get authorization code par click kare, jiske baad aapke EMail par Godaddy se ek code aayega.
Godaddy ye Iss trha ka Email aata hai, jisme code hota hai.
Step 4: Ab Google Domain ki website par jaye.. uske baad transfer par jaye. Fir aapko apna wo domain search karna hai jo aap Godaddy se yaha Transfer karne wale hai.
Step 5: Ab Next Page open hoga..
- Step 1 me hame domain unlock karna hota hai, jo ham Step 3 me kar liya hai.
- Step 2 me jo EMail par Godaddy se code aaya hai wo daalna hai, uske baad Continue button par click kare.
Step 6: Ab Domain ki jo pehle wali Web setting hai, agar aap usko bhi import karna chate hai to tik karde.. agar aapki pehle se website hai to isko jarur tik kare, taki aapki website down naa ho.
Step 7: Domain Privacy on rakhni hai ya Off wo select karke last me payment karna hai.
Payment karne ke liye aapko International Debit Card ya fir Credit Card ka use karna hoga.
Pura kaam khatam karne ke baad bhi, Google me Domain Pending dikhai dega.. kuch iss trha.. par aapko ab kuch karne ki jarurat nahi.. wo sirf iss liye hai maan lo agar aapka mood change ho jaye or aap apna domain Godaddy par hi rakhna chahe to aap 4-5 din tak cancel kar sakte hai.
Agar aapko Domain Transfer nahi karna, Payment karne ke baad bhi.. to aap Godaddy se aaye Email par diye hue button se cancel kar sakte hai. yaha ek baat ka dhiyan rakhe, agar aap Decline karte hai to Google ko jo pay kiya hai wo wapas nahi milega.
To Iss trha aap apna Domain Godaddy se Google par Transfer kar sakte hai.. or apne ek Domain par ₹684 bacha sakte ho..
ab yaha kuch log ye soch sakte hai.. itne paise bachane ke liye yaha itni mathapachi kare.. to wo aap par depend karta hai.. par agar maan lo aapke pass 100 domain hai to aap apne Domain ko Transfer karke ₹68,400 saal ke bacha sakte hai. 😉
FAQ
Q: Godaddy me Domain Renew karne me time hai to uske pehle transfer kar sakte hai?
A: Haa, Maan lo aapke Domain ko Expire hone me abhi 2 mahine hai to Google par transfer karne par aapko 1 saal ka to lena hi padega, par total 14 mahine mil jayege.
Q: Google me Privacy protection ka Extra Charge hai kya?
A: Nahi, Jesa Godaddy me ₹99 extra charge hai Privacy protection ka, uss trha Google me wo nahi hai.. aap kabhi bhi Domain Privacy protection ko On or Off kar sakte hai.
At Last: Ummid hai aapko ye jankari pasand aai hogi, or iski madad se aap apne paise bacha sakege.. Agar aapka abhi bhi Domain Transfer se related koi bhi sabal ho to aap Comment karke Jarur Puche.. 🙂
Badiya Domain Name Kaise select kare, New Domain Register karne se pehle ek war jarur read kare…