Bounce Rate Kya hai, Bounce Rate ko Kam Kaise Kare [SEO Tips]

Blog banane ka maksad chahe jo bhi ho par har ek serious blogger yahi chahta hai ki uske visitors uske blog par roz aaye, uske likhe har post ko dhyaan se padhe aur jyada se jyada der tak uske blog par tika rahe. khene ka matlab Bounce Rate kam ho.. To chaliye Jaan lete hai Bounce Rate Kya hota hai or iska kya matlab hota hai.

Agar aap new blogger hai aur aap bhi chahte hai ki visitor aapke blog/website par jyada time tak busy rahe toh samjh lijie ki Site ke Bounce Rate ko check karne ka time aa gaya hai.

Bounce Rate Google Ranking Factor hai jo bhut jaruri hai Post ko google me rank karne ke liye..

Bounce rate ko reduce karne se pehle aapko jarurat hai Bounce Rate kya hai wo samjhne ki. Toh chaliye pehle jaan lete hai is Bounce Rate kya hai or kaise kaam karta hai.

Table of Contents [hide]

• Bounce Rate Kya Hai ?
  • Bounce Rate High Hone ke Top Reasons:
  • Bounce Rate kaise Pata kare kare?
  • Bounce Rate kitna hona chahiye:
• Bounce Rate ko kam karne ke tarike:
  • #1: Badiya Web Design
  • #2: Behtreen Content
  • # 3: Multimedia ka istemaal
  • # 4: Loading Time kam kare
  • #5: Interlinking
  • #6: Powerful Widgets
  • #7: Keywords sahi chune
  • #8: User Friendly
  • #9: Mobile Friendly Design
  • #10: Jyada words ke article
  • #11: Post ka Title Sahi ho
  • #12: Phele Paragraph
  • #13: Commenting
  • #14: Category Jada na Rakhe
  • #15: Number of Pages
  • #16: Search Box Use kare

Bounce Rate Kya Hai ?

Aapke blog par roz hi naye naye visitors aate honge kuch google results se kuch social media se toh kuch referral links se par unme se kuch hi visitors hote hai jo ki aapke blog par jyada time tak rukte hain ya return kabhi aapki site ko open karte hai.

Bounce Rate un visitors ka percentage hota hai jo ki aap ke blog par aate toh hai par bina kisi page par click kiye woh aap ki site se turant hi laut bhi jate hain.

Matlab ki visitor aaye aur turant chale gaye issi ko Bounce rate khete hai, ye jitna jada hoga matlab utne hi jada log site se turant lot rahe hai or wo ek website owner ke liye utna hi kharab hai.

Iske bahut saare reasons ho sakte hai. Toh bas yeh samajh lijiye ki aapki site ke liye behtar yahi hoga ki uska bounce rate kam hi ho, jitna ho sake utna acha.

Bounce Rate High Hone ke Top Reasons:

• Website ki Design acha naa hona
• Website Loading Time jada hona
• Design Responsive na ho
• Kam Powerful Content
• Content ki kani
• Sahi Content naa hona

Bounce Rate kaise Pata kare kare?

Google analytic google ka ek aisa product hai jiska use kar ke hum asani se aapne users ke baare me pata laga sakte hai, ki kis country se kitne visitors aa rahe, kitne page-views ho rahe hai or kitna bounce rate ho raha hai. iske sath kitna time tak visitor kis page par ruk rahe hai jesi bhut si jankari. I think har blogger ko Google ke is product ka istemaal zarur karna chahiye.

Jaise ki maine bataya hai ki Google Analytics ka use kar ke aap bounce rate ko track kar sakte hai, Toh aapko chahiye ki aap apne google analytics account par login ho jaye.

Google Analytics me Reporting par jaa kar site content>All pages par jaana hai, poori information aapke samne hogi. Aap dekh paayenge ki visitors ka kitna percent aapke blog se bounce yani ki laut jaa raha hai.

Bounce Rate kitna hona chahiye:

Agar site ka Bounce Rate 35% se jyada hai toh aapko thoda serious hone ki jarurat hai kyuki aapke traffic kisi na kisi wajah se aapki site par aa kar laut jaa raha hai jo ki bilkul bhi achi baat nahi hai.

agar Bounce Rate 50% se bhi jyada hai toh ye ghabrane waali baat hai aur aapko ise turant fix karne me lag jana chahiye.

Visitor ko lane me jitni mhenat lagti hai site par, or agar wo site par ruke hi nahi to hamari mhenat bekar samjo.. isliye jitni mhenat aap site par jada se jada visitor lane me karte hai utni hi visitor ko site par banaye rakhne me bhi kare.

Bounce Rate ko kam karne ke tarike:

#1: Badiya Web Design

Aapke readers designers nahi hai fir bhi unko ache aur bure web design ka poora sense hai. Agar aapka web design vyavasthit nahi hai, aankhon mein chubhne wale colours ka istemal kiya gaya hai ya fir poori site par animation run kar raha ho toh ise change kar le.

Simple design bhi achi rahegi agar aapko jyada web designing ke baare me gyaan nahi toh.

#2: Behtreen Content

Aisa content daale jisme achi information ho aur visitors ko jo baandh ke rakh paaye. Jo Visitor ko Chaiye wo hi Dale.

Badiya Content kaise likhe wo jaanne ke liye ye pade

• Seo Friendly Blog Post Likhne ke 5 badiya Tarike
• Badiya Content kaise likhe jo google or Visitor dono ko pasand aaye.

# 3: Multimedia ka istemaal

Apne site ko interesting banaane ke liye images, gifs, audio aur videos ka istemaal kare aur aaj kal toh infographics trend me hai aap inka bhi istemaal kar sakte hai.

• Video kaise Add kare Post me uski jankari yaha hai

# 4: Loading Time kam kare

Loading time bhut hi jaruri hai bounce rate kam karne ke liye, q ki koi bhi wait karna pasand nahi karte, agar site jaldi load nahi hogi to wo usko close kar dege.

Isliye iss baad ka khayal rakhe site fast load ho, or aap usme jo Images aur multimedia ka istemaal karte hai wo limit me kare.

Image ka Size kam karke hi upload kare.. Image ka size kaise kam karte hai uski jankari yaha hai

#5: Interlinking

Apne articles mein previous post ke links bhi daale jisse ki aap ke visitor aur bhi post ko notice kar sake. Example ke liye aap issi Post ko le lijiye jisme mene jaha bhi possible ho sakta tha link add ki hai dusri post ki.

• Bad Link Building Strategies se Kaise Bachaye Site [SEO Tips]

#6: Powerful Widgets

Related post/ featured post se visitor ko der tak roke.

OR Widgets ki jankari ke liye yaha click kare

#7: Keywords sahi chune

Keywords ka sahi hona bahut jaruri hai agar aapne sahi keywords ka istemaal kiya hai toh sahi visitors aap tak pahuchenge aur aap ki site par apna interest bhi dekhenge.

Keyword kya hai or usko kaise use kare uski jankari yaha hai or ye bhi pade KEYWORD DENSITY kya rakhe Search Engine me Top Rank Karne ke Liye.

#8: User Friendly

User Friendly se matlab hai ki jo aapki post ka format ho wo aesa ho jisko padne me aasani ho.. Site ki jo menu hai wo clear ho jisse agar jo site ka visitor ho ko site me kahi jana ho to wo aasani se ja sake.

#9: Mobile Friendly Design

Blog ko responsive hona yani uski usability har device aur har browser ke liye honi chahiye. 2014 ke baad se jyadatar users website ko apne smartphone par hi browse kar lete hai bajaye computer ya pc par open karne ke To Website ka Design Mobile Friendly hona bhut jaruri ho gaya hai abhi ke time me.

Google Search Ranking me bhi Faida milta hai Mobile Friendly Design se

• Blogger Template ko Mobile Friendly kaise banaye uski jankari yaha hai

#10: Jyada words ke article

Lamba post likhe par dhayaan rahe paragraph chote hi ho. Jyada bada article padhna kisi ko nahi pasand hai aap use break kar ke likhe toh dekhne me bhi acha lagega aur aapke visitors bhi asaani se padh lenge. Aapka article 500-600 words ka hona chahiye.

Par ye jaruri nahi ki article chota ho.. Khane ka matlab hai Article jitna lamba likh sakte ho likho.. par pure artice ke information aesi honi chaiye jisko log pade.. faltu ka kuch bhi likhne se apna time barbad karna hi hai.

#11: Post ka Title Sahi ho

Post ka Title acha likhe or aesa likhe jisko pad kar samja ja sake ki post me kya hai.. Bhut log kya galti karte hai post ka title kuch bhi likh dete hai taki visitor usko search karke unke blog par aayege.. haa ye sach hai visitor aa sake hai.. par jab jo unko chaiye wo nahi milega to wo turant aapke blog ko band kar dege jisse blog ka bounce rate bhut bad jata hai.. jo SEO ke najar se bhut hi galat hai.

• Badiya SEO Friendly Title kaise likhe 
• Blog Post Title Likhne Ke 6 Badiya Tips Hindi Main

#12: Phele Paragraph

Jab bhi Article likhe, usme jitni jaldi ho sake clear karne ki kosis kare ki aap us article me kya kya batane wale hai.. Jisse jo visitor hai usko pata chal jaye ki yaha par ye ye jankari hai or wo site par bana rahe.

#13: Commenting

Agar aapne mhanat karke badiya Article likha hai or agar usko koi padega to sidhi si baat hai aapko ye jab pata chalega ki logo ko aapka article kesa laga jab wo aapke us article par comment karege.. to jese bhi possible ho last me apne visitors se jarur khe ki wo comment karke bataye unko ye jankari kesi lagi.. Iska Bounce Rate kam hoga q ki wo article padne ke baad bhi aapki site par comment karne ke liye thodi der or rukega..

• Badiya Comment kaise kiya jaye wo bhi aapko pata hona chaiye

#14: Category Jada na Rakhe

Ye Galti bhi hai jo bhut se New Blogger kar dete hai.. Matlab ki Jis Topic par aapka blog hai agar aap sirf uske article dalege to jo bhi uski jankari chata hai usko bha puri jankari mil jayegi.. par agar Sabhi category ka mixture karke article publish kiya jayega to jo visitor hai usko samaj nahji aayega or wo blog se chala jayega..

Blog par jada Category use na kare or jitnio bhi kare usko Labels or Categorys ki madad se har article ko set karke rakhe.

#15: Number of Pages

Bounce Rate jada hone ka ek ye karan bhi ho sakta hai ki aapki site par jo Post ki sankiya hai wo kam ho.. Jisse kya hoga ki jo visitor hai uske pass kam option rahege to wo jaldi chala jayega.. Iske liye Apni site par badiya badiya article publish kare..

Daily kamse kam ek article jarur publish kare.. Regular Apni site ko Update karne se kya kya faide hai wo jaanne ke liye yaha click kare.

#16: Search Box Use kare

Blog me search box ka hona bhut jaruri hai, Q ki agar koi user aapki site par aaya or usko koi or jankari aapke blog se chaiye to usko khojne ka sirf Search Box hi ek tarika hai.. or agar search box nahi hoga to naa chate hue bhi usko hamari site se jana padega.. jisse Bounce rate badega.

At Last: 

To Dosto ab aap samaj hi gaye hoge ki Bounce Rate kya hai or kaise Bounce Rate kam kar sakte hai, aap jo bhi ho sake wo kare jisse aapki site par visitor jada se jada der tak aapki site par ruka rahe or aapki site ka Bounce Rate kam rahe.

Yeh toh kuch basic tips the apni site/blog ka bounce rate ghatane ke. Agar aapko lagta hai ki is post me upyogi information di gayi hai toh aap ise aur logo tak pahuchana na bhule, humara ye post share kare. Saath hi agar aap ke paas bhi koi acha idea hai Bounce Rate kam karne ka toh comment section me use bhi bataye.

Happy Blogging!