Social Media Par Apni Website ko Promote Kaise Karen

Namaskar, Main hun Harsh Agrawal, ShoutMeHindi se aur aapka HindiMeHelp par bahut-bahut swagat hai. Is article me main aapko bataunga ki aap apni website ya blog ko social media par kaise promote kar sakte hain.

Vaise to aap sab logon ko pta ki hoga ki aap alag-alag sources se apni website par traffic ko prapt kar sakte hain. In tareekon me se do sabse badhiya tarreke search engine se organic traffic aur social media se social traffic prapt karna hai.

Aaj ham social media par apni website ko promote karke social traffic ko gain karne ke baare me janenge.

Jab hum social media ki baat karte hain to hamare maan me sabse pehle Facebook ka hii vichar aata hai. Lekin main aapko bta deta hun ki social media par apni website ya blog ko promote karna keval use Facebook par promote karne ke ilawa bhi any sbhi social media sites jaise ki Twitter, Google+, Instagram,  ityadi par promote karna bhi hai.

Chahe koi bhi social media website ho, aapko neeche diye gaye points ko follow karna hoga aur aap apni website ko kafi badhiya tarreke se promote karne me saksham honge.

Table of Contents [hide]

• Apni Blog or Website Ko social media par kaise promote kare
  • Social Network site ko theek se samjhe
  • Aap kis prakar ki promotion chahte hain, us hissab se chaliye
  • Technical Requirements ko poora karna

Apni Blog or Website Ko social media par kaise promote kare

Social Network site ko theek se samjhe

Ye sabse pehla step hota hai joki kisi bhi social media marketer ko apne maan me rakhna hota hai. Aapko sabse pehle us social media website ke baare me badhiya knowledge honi chahiye jispar ki aap apna content promote karne jaa rhen hain.

Ab kaisa kyon? Iske kayi kaaran hain.

Har ek social networking website ka apna alg structure hota hai. Udaharan ke liye Facebook ka apna ek hissab hai. Isme aap apni website ka page bhi bna sakte hain, jispar aap apni website ke articles ko post karke, social media sharing ke dwara promote kar sakte hain. Iske ilawa aapko Facebook posts par zyada shares ya likes prapt karne ke liye Boost (Advertisement) ka option bhi deta hai.

Isi prakar twitter ka apna alg structure aur style hai. Isme aap hashtags ka use karke apni reach ko badha sakte hain. Isi prakar, Google+ me GIF images se content ko promote kiya jaa sakta hai. In sabhi cheezon ko apne man me rakhte huye, aap sabse pehle jis bhi social media networking site par apne content ko promote karna chahte hain, usko acchi trah se samjhiye.

Aap kis prakar ki promotion chahte hain, us hissab se chaliye

Chahe aap social media par apni website par zyada traffic prapt karne ke liye promote kar rhen hai ya fir chahe aap apne brand ko simply popular karne ke liye aisa kar rhen hain, aapko ye bhi janna hoga ki aap kis trah kii promotion chahte hain.

Promotions do trah ki hoti hai. Manual aur second hoti hai, Advertisement promotion. Ab manual bhi do trah ki hoti hai. Self manual aur manually paid.

Self manual promotion me aap svayam apni saari website ki overall promotion ke liye responsible hote hain. Lekin isme aap kisi bhi cheez par paise kharch nahi karte. Isme shamil hai, apni website ke articles ko manually social media par share karna aur articles promote karke, zyada views, likes ityadi prapt karna.

Manual paid promotion me aap kisi social media marketer ko hire karte hain, use pay karte hain aur veh aapke liye social media promotion ka saara kam karta hai.

Jo promotion ka sabse badhiya aur kargar tareeka hai, vo hai Advertisemental way. Aap apni website ko ya uske content ko alg-alg tareke se social media sites ko pay karke Advertisemens ke zariye promote kat sakte hain.

Technical Requirements ko poora karna

Sabhi social media websites par apni website ko promote karne ke liye aapki website ko bhi
technically kuch requirements ko poora karna hota hai. Jaise ki yadi Facebook par aap apne
articles ko promote karna chahte hain to ek badhiya tareeka hai apni website ke pages ko
Facebook AMP friendly pages bnaye. Aise me aap zyada se zyada content ko promote karne me saksham honge.

Aise hii alag-alag social media platforms par alag-alag technical Requirements ho sakti hain joki aapko poori karni chahiyen. In requirements me social media ke liye images, audio-video content aadi create karna bhi shamil hai. Isi prakar aapko apni website par bhi social media par sharing or Follow Widget Add karna chaiye

Yadi aap upar diye gaye in major points ko follow karte hain to aap kafi accha social media
promotion karne me successful ho sakte hain. Ab kuch aur mahtav purn points bhi hai joki aapki madad kar skate hain, ye points neeche likhen hain:

• Agar aap social media par paid promotion karna chahte hain to aapko sabse pehle apna budget decide karna chahiye aur fir reach ke hisaab se calculations kar sakte hain, ki aapko maximum fayda kaise hoga.
• Yadi aapko lgta hai ki social media promotion aapke bas ki baat nahin hain to aapko ye
  kaam kisi social media marketer ko outsource kar dena chahiye.
• Aap yadi social media par apni website ko promote kar rhen hain, to aapko samay-samay par results ko anaylze bhi karte rehna chahiye aur ye janana chahiye ki kis trah ki promotion se aapko zyada traffic hasil ho rha hai.
• Apni website ke sabhi pages ko mobile friendly banaiye aur jitna fast ho ske utna fast
  bnanyiye kyonki social media ke zyadatar users mobile based hii hote hain.
• Apni website ke articles ko promote karne ke saath-saath overall apne brand ko bhi
  promote kijiye jiska ki aapka ek genuine readerbase ban sake.
• Aapko overnight results nahi milenge, isliye aapko results ko anaylze karne ke liye bhi kuch samay wait karna hoga aur fir A/B testing se decide karna hoga ki kya zyda useful sabit ho rha hai.
• Social media par promotion me help karne ke liye bahut saare tools aur software available hain. Aap unki madad se aur bhi zyada successful promotion kar sakte hain.

Zaroor padhiye, any useful related articles:

• Social Media Par Personal Brand Kaise Banayen
• Content Ko Viral Kaise Kare? [Infographic]

Mujhe aasha hai ki aapko mere btaye gaye sabhi points social media par apni website ko promote karne me madad karenge. Yadi aapka is sambandh me koi bhi question ho to aap hamare se comments me zaroor poochiye. Aise hii bahut se any useful articles ke liye aap, ShoutMeHindi ko subscribe kar sakte hain.

Yeh article humare guest blogger Harsh Agrawal ne likha hain jo ki India ke top most bloggers me se ek hain. Inke kuch prashid bloga hain ShoutMeLoud, ShoutMeHindi, Coinsutra.